Пашпарт этнаграфічнага музея ДУА “Запалянская сярэдняя школа”
Профіль музея – гісторыка-этнаграфічны
Адрас, тэлефон: Брэсцкая вобласць, Івацэвіцкі раён, в. Заполле, вул. Школьная. Тэл. 26-2-39
Дырэктар ДУА “Запалянская сярэдняя школа” – Ціток Наталля Мікалаеўна
Дата заснавання музея: 2005г.
Плошча экспазіцыі, характарыстыка памяшкання: 58 кв.м., асобнае памяшканне ў будынку школы
Колькасць экспанатаў:
а) асноўны фонд (у адзінках) - 389;
б) дапаможны фонд – 268
Асноўныя раздзелы экспазіцыі:
1.Вышыўка
2.Ткацтва
3.Старыя фотаздымкі
4.Прадметы быту
5.Прадметы ганчарства
6.”Цёплыя рукі” (звесткі пра людзей, вырабы якіх знайшлі месца ў экспазіцыі музея)
7.Гісторыя школы
8.Паселішчы Івацэвіцкага раёна
9.Экспазіцыя, прысвечаная 70-годдзю Перамогі Ў Вялікай Айчыннай вайне
Інтэрактыўныя і мультымедыйныя сродкі прымяняюцца на ўроках гісторыі, літаратуры, пазакласных мерапрыемствах, якія праводзяцца ў памяшканні музея
Рэгулярна афармляюцца выставы, прысвечаныя памятным датам
Музей заснаваны ў 2005 годзе. Матывам для яго стварэння паслужыла жаданне пазнаёміць дзяцей з мінулым краю, з людзьмі, якія пакінулі след у гісторыі школы і вёскі. За час існавання музея яго наведалі амаль усе вяскоўцы і многія жыхары суседніх вёсак. Музей уключаны ў раённыя экскурсійныя маршруты. Яго наведваюць вучні з другіх школ.
Рэгулярна праводзяцца выставы, прысвечаныя памятным датам, знакамітым людзям, тэматычныыя выставы. Музей пастаянна папаўняецца новымі экспанатамі.
Дзейнічае савет музея, працуе краязнаўчы гурток.
Устаноўлены мемарыяльныя дошкі ў гонар Міхала Гамаліцкага, Івана Грэцкага. Вернуты з небыцця імёны пісьменніка Плакіда Янкоўскага, вучонага Ігната Гамаліцкага.
Наладжана сувязь з раённым краязнаўчым музеем, музеем-сядзібай Тадэвуша Касцюшкі, з Бялавіцкім лясніцтвам.
Праведзены экскурсіі ў Косава, у палац Пуслоўскіх з наведваннем сядзібы Т. Касцюшкі, у Ружанскі палац Сапегаў, у Мірскі і Нясвіжскі замкі, у Брэсцкую крэпасць, у музей Вялікай Айчыннай вайны горада Мінска, на партызанскія могілкі ў Гута-Міхаліне, у Белавежскую пушчу.
Вучні школы ўдзельнічаюць у пошукавай рабоце, у музеі ёсць матэрыялы, сабраныя ў час паходаў і экспедыцый. Асаблівым багаццем вылучаецца сабраны фальклорны матэрыял: паданні, легенды, песні, апісанне абрадаў, замовы, забабоны. Неаднаразова вучні школы станавіліся прызёрамі раённых і абласных конкурсаў.
Кіраўнік музея: Шыманчык Святлана Мікалаеўна
Тэлефоны:
рабочы: (8-01645) 26-2-39;
дамашні: (8-01645) 26-3-37;
мабільны: (8-029) 721 51 43.